İspaniya baş naziri Pedro Sançesin və Litva prezidenti Qitanas Nausedanın birgə mətbuat konfransı iki NATO təyyarəsinin təcili uçuşuna görə yarımçıq dayandırılıb.
Sumqayit.tv Reuters-ə istinadən bildirir ki, buna səbəb Litva sərhədinə Rusiya qırıcısının yaxınlaşması ilə bağlı hərbi bazada həyacan siqnalının verilməsi olub.  Həyacan siqnalının ardınca təyyarələr Rusiya Hərbi Hava Qüvvələrinin təyyarəsini "tutmağa" və müşaiyət etməyə göndərilib. 
"Reuters" xəbər verir ki, baş nazirlə prezidentin brifinqi  Litvanın Şaulyay şəhərində, NATO bazasında keçirilirdi. Tədbir başlanandan bir qədər sonra bazada həyacan siqnalı elan edilib, ardınca hərbçilər gəliblər. Və onlar İspaniya baş nazirinə və Litva prezidentinə təyyarənin uçmasına imkan yaratmaq üçün kənara çəkilmələrini xahiş ediblər.
NATO təyyarələri uçandan sonra mətbuat konfransı davam etdirilib. Sançes çıxışında pilotlara “Litvanın ərazi bütövlüyünün qorunması ümün gördükləri “çətin işə" görə təşəkkür edib.