Böyük Britaniya bu gün Ukraynaya qarşı hücumuna görə Rusiyaya qarşı yeni məhdudlaşdırıcı sanksiyalar tətbiq edib.

Bu haqda Böyük Britaniya hökuməti məlumat yayıb. 
"Biz Putinin dəbdəbəli həyat tərzini dəstəkləyən kölgə şəbəkəsini ifşa edir və ona qarşı sanksiyalar tətbiq edir, onun ətrafındakılara təzyiqləri artırırıq. Biz Ukrayna qalib gələnə qədər Putinin aqressiyasını təbliğ edənlərin hamısına qarşı sanksiyaları davam etdirəcəyik”, - Britaniyanın xarici işlər naziri Liz Trass bildirib.
Qeyd olunur ki, Putinin dəbdəbəli həyat tərzi mətbuatda mütəmadi olaraq nümayiş etdirilir, xüsusən də Rusiya liderini 566 milyon funt-sterlinq dəyərində yaxta və rəsmi olaraq yaxın müttəfiqi Arkadi Rotenberqə məxsus olan 1 milyard dollarlıq "saray”la əlaqələndirirlər.
Eyni zamanda, Putinin ailə üzvləri onun yaxın çevrəsinin əsas kontingentidir və rejimə mənsub olduqlarına görə hakimiyyət postları alırlar.
Yeni sanksiyalar Putinin qohumlarının və dostlarının simasında olan "pul kisələri”nə – onun sonsuz sədaqəti müqabilində dövlət vəzifəsi və sərvətlə mükafatlandırdığı şəxslərə yönəlib.
Yeni məhdudlaşdırıcı tədbirlərə Kreml lideri ilə yaxından əlaqəsi olan keçmiş gimnast Alina Kabayeva, Putinin iki əmisi oğlu, Kreml rəhbəri Mixail Putinin əmisi oğlu İqor və Roman Putin və Rusiya prezidenti Lyudmila Putinin keçmiş həyat yoldaşı (Oçeretna) daxildir.