“Atəşkəsə ona görə riayət edilmir ki, münaqişə hələ bitməyib, tərəflər münaqişənin müvəqqəti dayandırılması məsələsində istədiklərinə nail olmayıblar”.
Sumqayit.tv bildiri ki, bunu Moderator.az-a açıqlamasında politoloq Zərdüşt Əlizadə deyib. Politoloqun sözlərinə görə sərhəddə atəşkəsi düşmən bilərəkdən pozur ki, istəklərinə nail olsunlar:
“Atəşkəsə ona görə riayət edilmir ki, münaqişə hələ bitməyib, tərəflər münaqişənin müvəqqəti dayandırılması məsələsində istədiklərinə nail olmayıblar. Bu o deməkdir ki, ATƏT-in Minsk Qrupunun təkrar bölgəyə girib vasitəçilik etməsinə ehtiyac var. Və ya Rusiya tərəflərə daha sərt nəzarət edib, onları elə etməlidir ki, atəşkəsə riayət etsinlər. Burda Fransa və Amerika amilindən danışırlar, amma bunu kim gözüylə görüb, kim telefon danışıqlarını dinləyib? Bundan əvvəl Fransa da, Amerika da deyib ki, ATƏT-in Minsk Qrupunun fəaliyyətinə ehtiyac var, Azərbaycan tərəfi isə buna ehtiyac olmadığını bildirib. İndi onlar da çalışırlar ki, atəşkəsin dayanıqsız olduğunu göstərib ona nail olsunlar ki, ATƏT-in Minsk Qrupu həmsədirlərinin bölgəyə qayıtmasına razılıq verilsin. Buna da ilk növbədə Azərbaycan razı olsun”.