ABŞ prezidenti Co Bayden Amerika tərəfi üçün rəqib olmasına baxmayaraq, Vaşinqtonun Moskva və Pekinlə əməkdaşlıq etməli olduğunu vacib sayır. 
Sumqayit.tv bu barədə TASS-a istinadla xəbər verir.
Amerika liderinin sözlərinə görə, dünya əhəmiyyətli dərəcədə dəyişir. Bu səbəbdən ABŞ-ın texnoloji üstünlüyü qorumaq, təchizat zəncirləri və texnologiyanı idarə edən qaydaları gücləndirmək üçün avtokratiyanı deyil, demokratiyanı dəstəkləməsi məqsədilə tərəfdaşları və müttəfiqləri ilə sıx əməkdaşlıq etməsi çox vacibdir.
"Eyni zamanda, bizə rəqib olan və ola bilsin gələcəkdə “ölümcül rəqabət” aparacağımız Çin və Rusiya kimi ölkələrlə işləməli və əməkdaşlıq etməliyik", - deyə Bayden bildirib.
Bu dövlətlərin maraqlarının üst-üstə düşdüyü sahələrə nümunə olaraq Bayden iqlim dəyişikliyinə qarşı mübarizəni göstərib. O, bu ümumi təhlükənin bütün ölkələrə təsir etdiyini vurğulayıb: "Bu həm strateji, həm də ekoloji bir məsələdir".