“Merkel şəxsən danışıqlar üçün Moskvaya uçmağı arzu etməyib: kansler guya Putin tərəfindən alçaldılmaq riskinə getmək istəməyib...”
 
“2014-cü ildə Ukrayna böhranı səbəbiylə Rusiya Prezidenti Vladimir Putin və Almaniya Kansleri Angela Merkel arasındakı danışıqlar  dəfələrlə söyüşlə müşayiət olunurdu. Siyasətçilər zaman keçdikcə bir-birlərinə hörmət etməyi öyrənsələr də, söhbətləri yenə də xoşagəlməz ola bilərdi”. 
 
Sumqayit.tv Moderator.az-a istinadən xəbər verir ki, bu sətirlər alman tarixçi Ralf Bollmanın yazdığı Merkelin həyatı haqqında kitabdandır.  Kitabdan sitatlar “RİA Novosti”-yə istinadla verilir.

Siyasətçilər arasındakı münasibətlər 2014-cü ildən - Krımın Rusiyaya birləşdirilməsindən sonra pisləşib. Bollmanın sözlərinə görə, Merkel şəxsən danışıqlar üçün Moskvaya getməyi arzu etməyib: kansler guya Putin tərəfindən alçaldılmaq riskinə getmək istəməyib. Buna görə də şəxsən Rusiya prezidentinə "onlarla dəfə" zəng edib.
 
“Danışıqlar sanki duel xarakteri daşıyırdı. Onlar hər şeyi bir -birləri ilə üz -üzə danışdılar ... Bəzən hətta bir-birlərinə qışqırırdılar" - kitabda qeyd olunur.
 
Avtobioqrafik əsər Merkelin doğumundan (1954) 2021-ci ilin əvvəlinə qədərki həyatını əhatə edir.  Onun Almaniya hökumətinin başçısı kimi fəaliyyətinə xüsusi diqqət yetirilir.