Hər gün minlərlə insan Sumqayıt-Bakı sürət qatarından istifadə edir.  Getdikcə sürət qatarına olan tələbat artır. Belə olan halda sərnişin sıxlığı yaşanır. Bununla bağlı Sumqayıt sakini Tərxan Paşazadə sıxlığın aradan qaldırılması üçün öz təkliflərini verib. 

Sumqayıtdan Xırdalan istiqaməti ilə Bakıya gedən günün ilk qatarında (07:45) bu gün sıxlıq daha çox idi. Belə görünür ki, bu sahədə pis günlərimiz başlayıb. Azərbaycan Dəmir Yolları tərəfindən müvafiq tədbir görülməzsə, qarşıda daha pis günlər bizi gözləyir...

Tədbir görmək üçün isə bir neçə variant təklif etmək olar. Məsələn:

 07:45-dən əvvəl də azı iki qatar olsun (07:15 və 07:30). 

 Hər qatara 2 vaqon əlavə edilsin.

 Biznes vaqonlar ləğv edilsin.