Sumqayıt şəhər Gənclər və İdman Baş İdarəsi və 1 saylı Sumqayıt regional "ASAN xidmət” mərkəzinin birgə təşkilatçılığı ilə "27 sentyabr – Anım Günü”nə həsr olunmuş "Zəfərin davamçıları” adlı milli ərazi intellektual yarışı keçirilmişdir.
İntellektual oyunun keçirilməsində məqsəd 44 günlük Vətən Müharibəsi və Şanlı Zəfər tarixinin təbliği, gənclərdə vətənpərvərlik və milli-mənəvi dəyərlərimizə hörmət hisslərinin aşılanması, onların intellektual səviyyəsinin, zehni inkişafının stimullaşdırması, eləcə də asudə vaxtlarının səmərəli təşkili və dünya görüşünün artırılmasıdır.
Yarışda müxtəlif sahələri təmsil edən gənclərdən ibarət 6 komanda iştirak etmişdir.
Gərgin və maraqlı keçən yarışmanın sonunda 2 saylı Sumqayıt regional "ASAN xidmət” mərkəzinin "İkonik” və "Dəmir yumruq” komandaları müvafiq olaraq I və III, Gənclərin İnkişaf və Karyera Mərkəzinin "Cardinal” komandası isə II yeri tutmuşdur.
Qalib komandalar 1 saylı Sumqayıt regional "ASAN xidmət” mərkəzinin kubok və sertifikatları, həmçinin Baş İdarənin xatirə hədiyyələri ilə təltif edilmişlər.