Bugün şəhidimiz Rahib Babayev Bəxtiyar oğlunun anım mərasimi qeyd olunub.
Sumqayit.tv xəbər verir ki, İlk olaraq mərasim iştirakçıları Şəhidlər Xiyabanını ziyarət ediblər. Şəhidimizlə xatirə rəsimləri çəkilib. Daha sonra isə tədbir şəhidimizin evində davam edib. Qeyd edək ki, Rahib Babayev 1985-ci il iyunun 19-da Şahbuz rayonunun Külüs kəndində anadan olub. Rahib Babayev orta məktəbi bitirdikdən sonra C.Naxçıvanski adına hərbi liseydə, daha sonra Heydər Əliyev adına Azərbaycan Ali Hərbi Məktəbində təhsil alıb. İlk iş yeri Sumqayıt şəhər Hacı Zeynalabdin qəsəbəsi "N" saylı hərbi hissə və ilk komandiri isə Polad Həşimov olub.
Azərbaycan Ordusunun mayoru olan Rahib Babayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Murovdağ istiqamətində gedən döyüşlərdə şücaət göstərib. "Canavar" postunun alınmasında iştirak etmiş və sentyabrın 30-da həlak olmuşdur. Oktyabrın 2-də isə Sumqayıt şəhər Şəhidlər Xiyabanında dəfn olunub. 
Allah ruhunu şad etsin, İgid!
Müəllif: sumqayit.tv