Uzun illərdir ki, Sumqayıt şəhəri Stansiya Sumqayıt ərazisində kanalizasiya problemi yaşanır. Hətta burda 2013-cü ildə salınan və 600 yaşayış evini əhatə edən yeni qəsəbə də bu problemdən əziyyət çəkir. Qəsəbə sakinləri bununla bağlı aidiyyatı qurumlara saysız-hesabsız məktublar da ünvanlayıb.
Bu arada Sumqayit.tv-yə mötəbər mənbələrdən daxil olan məlumata görə, artıq problemin həlli ilə bağlı ilkin addımlar atılıb. Belə ki, bu ilin may ayında ərazidə mərkəzləşdirilmiş kanalizasiya şəbəkəsinin qurulması üçün ilkin planlama işlərinə başlanılıb. Bu yöndə ardıcıl tədbirlər icra olunacaq.
Prosesin növbəti mərhələsini diqqətdə saxlamağa çalışacağıq.
P.S. Ümid edirik, bu məsələ nəhayət ki həllini tapacaq. Hər halda, ötən illər ərzində redaksiyamıza daxil olan saysız-hesabsız şikayətlər, əhalinin aqressiya həddinə çatmasını bu dəfə görülən işlər fonunda əhalinin sevinc hissi ilə əvəz etmək istərdik.