Sumqayıt şəhərində ictimai nəqliyyatla bağlı problemləri mütəmadi işıqlandırıb, onların həlli yolları istiqamətində yazılar təqdim etməyə çalışırıq.

Xeberle.com olaraq yenidən bu mövzunu - bəzi marşrut avtobusların intervalını və gündəlik neçə nəqliyyat vasitəsilə fəaliyyət göstərməsini araşdırdıq.
Şəhər əhalisinin daha çox istifadə etdiyi 8 saylı marşrut xəttində bu gün üçün 10 ədəd, 9 saylı marşut xəttində isə 15 avtobus 6-10 dəqiqə intervalla fəaliyyətdədir. 
4 saylı marşrut avtobusu 7 ədəd, 3 saylı 8 ədəd, 25 saylı 3 ədəd, 26 saylı isə 3 ədəd nəqliyyat vasitəsilə xəttə buraxılıb. 
"Sumqayıt Nəqliyyat” MMC-dən Xeberle.com-a verdiyi məlumata görə, hazırda Sumqayıt şəhəri üzrə ictimai nəqliyyatda sürücü qıtlığı yaşanmır. Günün pik saatlarında qismən gecikmələr müşahidə oluna bilər. 2 saylı marşrut xəttinin də avtobuslar arası intervalı azaldılıb, lakin 2 saylı marşrutun əsas dayanacağı olan Göz Xəstəxanasının təmirə dayandırılması və dəniz mövsümünün bitməsi istər-istəməz avtobus qıtlığı və intervalların uzanmasına səbəb olacaq. 
Nəqliyyat vasitələrinin kart sisteminə keçilməsi məsələsinin isə 2023-cü ildə öz həllini tapacağı gözlənilir. Sahibkar kart sisteminə keçilməsinə daha çox maraqlı tərəf olsa da, hələ də həllini tapmayan problemlər var və bu istiqamətdə işlər aparılır. 

Xədicə Səxavətqızı

Xeberle.com 
P.S. Xatırladaq ki, biz rəsmi qurumun verdiyi cavabı olduğu təqdim etdik və hələ də problem yaşadığınız nəqliyyat vasitələri varsa 
????070-352-10-00
????077-460-10-18
nömrələri ilə əlaqə saxlayaraq müraciətlərinizi edə bilərsiniz.