Bu gün "Vətən" müharibəsi zamanı könüllü olaraq ön cəbhəyə yollanan, şəhidimiz Kərbəlayi Əliyev Sərxan İslam oğlunun anım günü qeyd olunub.
Sumqayit.tv xəbər verir ki, mərasim şəhidin məzarının Şəhidlər xiyabanında ziyarət olunması ilə başlayıb. Daha sonra isə şəhərimiz də yerləşən mərasim evlərinin birində ehsan süfrəsi verilərək davam edib. Mərasim Quran oxunaraq başlanılıb, şəhidlərimizin ruhlarına dualar oxunulub. Anım günündə dini məddahlarımız Corat Məcsidinin axundu Hacı Sahib, Quran Qazisi Hacı İlkin, Hacı Zahir Mirzəvi, Coşqun Cəfəri, Hacı Elşən Xəzər, 
Hacı Elvin, Pərviz Hüseyni, "İbrət" dini redaksiyasının təşkilatçısı Şəbnəm xanım, "Mənim oğlum Qəhrəmandır" layihəsinin rəhbəri Cəlal Qurbanov, "Dəmir yumruq" təşkilatçısı Ülviyyə xanım,
"Vəhdət" Xeyriyə Cəmiyyətinin təşkilatçısı Süsən xanım, Tubu xanım, Pəri xanım, Sumqayıt şəhər səhiyyə şöbəsinin rəhbəri Səkinə Sadıqova, dostları, qohumları, başda şəhidimiz general Polad Həşimovun anası Səmayə ana olmaqla və digər şəhid ailələri iştirak ediblər. Mərasim şəhidimizə həsr olunan videoçarxla yekunlaşıb.
Xatırladaq ki, Sərxan Əliyev 16 yanvar 1998-ci ildə Sumqayıt şəhərində anadan olmuşdur. Sərxan Əliyev Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsi başlanan zaman könüllü olaraq döyüşlərə qatılıb və torpaqlarımızın işğaldan azad olunmasında igidlik göstərərək Füzuli istiqamətində gedən döyüşlərdə qəhrəmancasına həlak olmuşdur.
Ruhun şad olsun, öz qanıyla tarixə silinməz imza atan Qəhrəman!
Vəsiqə DADAŞOVA