Sumqayıt şəhərində 1990-cı il təvəllüdlü Əli şəxsi münasibətlər zəminində yaranan münaqişə zamanı atası Sərdara (adlar şərti verilib – red.) xəsarət yetirib. 

Demokrat.az-ın əldə etdiyi məlumata görə, hadisə Sumqayıt şəhəri, 5-ci mikrorayonda baş verib. 

İstintaq orqanı tərəfindən Əlinin barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib. 

Cinayət işi üzrə təqsirləndirilən şəxs qismində ifadə verən Əli ona elan olunmuş ittiham üzrə özünü təqsirli bilib. O bildirib ki, hadisə günü saat 07.30-da yaşadığı evdə olduğu zaman atasına banklara borcu olduğunu vəbuna görə ona maddi cəhətdən kömək etməsini xahiş edib: “Bu zaman atam məni nəlayiq ifadələr işlədərək pulunun olmadığını bildirdi. Buna görə aramızda mübahisə başverdi. Həmin mübahisə zamanı əsəbləşərək atamın üstünə getdim. Yumuruqla onunsifətinə bir neçə zərbə vuraraq burnuna xəsarət yetirdim. Sonra atam evdən çıxaraqgetdi. Atamı döydüyümə görə peşmanam”.
Cinayət işi süzrə zərərçəkmiş qismində ifadə verən Sərdarın sözlərinə görə, oğlu Əlinin ”Unibanka” 1500 manat borcu olub: “Oğlum həmin bank borcunubağlamasını məndən tələb etdi. Oğluma pulumun olmadığını bildirdim. Aramızdamübahisə baş verdi. Həmin mübahisə zamanı oğlum üstümə gələrəkyumuruqla sifətimə bir neçə zərbə vurdu. Burnuma xəsarət yetirdi. Sonra evdən çıxdım və Sumqayıt şəhər Polis İdarəsinin 3-cü polis bölməsinə gəldim. Şifahi ərizə ilə bölməyə müraciət etdim”. 

Zərərçəkmiş qeyd edib ki, hazırda təqsirləndirilən şəxslə barışıb, ona qarşı şikayəti yoxdur. 

Bu cinayət işinə Sumqayıt şəhər Məhkəməsində baxılıb. Məhkəmə təqsirləndirilən şəxsin zərərçəkmiş şəxslə barışmasını, zərərçəkmiş şəxsin ondan şikayətçi olmamasını nəzərə alıb. 

Bu səbəbdən Əlinin barəsində olan cinayət təqibinə xitam verilib. O, cinayət məsuliyyətindən azad olunub.