Bu gün 27.09.2020-ci ildə başlayan Vətən müharibəsi zamanı şəhid olan Azərbaycan Silahlı Qüvvələrinin əsgəri Məmmədov Rəhman Natiq oğlunun şəhadətə ucaldığı gündür.
Sumqayit.tv xəbər verir ki, şəhidimizin anım mərasimi Şəhidlər Xiyabanında məzarını ziyarət edilərək başlayıb, sonra isə mərasim evlərinin birində ehsan süfrəsi verilərək davam edib. Tədbir şəhidlərimizin ruhlarına 1 dəqiqəlik sükutla və Azərbaycan Respublikasının Himni ilə başlayıb. Mərasimdə İcra Hakimiyyətinin nümayəndələri, şəhidimizin təhsil aldığı 13 nömrəli məktəbin müəllim kollektivi və şagirdləri, Corat məscidinin axundu Hacı Rauf, məddahlar, qazilər, qohumlar və şəhid ailələri iştirak ediblər.
Qeyd edək ki, Rəhman Məmmədov 13.02.1997-ci il tarixində Sumqayıt şəhərində anadan olub. Orta təhsilini Sumqayıt şəhərində 13 nömrəli tam orta məкtəbdə alıb. Rəhman Məmmədov 2015-2017-ci illərdə Azərbaycan Silahlı Qüvvələrinin Tovuz rayonunda yerləşən "N" saylı hərbi hissəsində müddətli həqiqi hərbi xidmətdə olub. Rəhman Məmmədov 2016-cı ilin 2-5 aprelində baş verən döyüşlərdə də savaşıb.
Azərbaycan Ordusunun əsgəri olan Rəhman Məmmədov 27.09.2020-ci ildə Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Şuşanın azadlığı uğrunda gedən döyüşlərdə savaşıb. Rəhman Məmmədov noyabrın 9-da Şuşa döyüşləri zamanı qəhrəmancasına şəhidlik məqamına ucalmışdır.
Azərbaycan Prezidenti İlham Əliyevin Sərəncamına əsasən  ölümündən sonra, "Xocavəndin azad olunmasına görə", "Füzulinin azad olunmasıan görə", "Cəbeayılın azad olunmasına görə" "Vətən uğrunda" və "Cəsur döyüşçü" medalları ilə təltif edilib. 
Allah ruhunu şad etsin, Qəhrəman! 

Müxbir:Vəsiqə DADAŞOVA