Sumqayıt şəhər sakini, əvvəllər məhkum olunmuş Rafiq Nərimanov münaqişə zəminində Daşqın Hüseynovu qətlə yetirib.
Sumqayit.tv-in məlumatına görə, hadisə Sumqayıt şəhərinin 21-ci məhəllə ərazisində baş verib. 
Belə ki, cinayəti törətməkdə şübhəli bilinən Rafiq Nərimanov polis əməkdaşları tərəfindən saxlanılıb və dindirilərkən törətdiyi əməli etiraf edib.
Dindirilmə zamanı R.Nərimanov Daşqın Hüseynovu uşaqlıq illərindən tanıdığını və eyni məhəllədə yaşadıqlarını deyib. "Hadisə baş verən günü məhəllədə Vüsalla söhbət edirdim Daşqında gəlib bizə yaxınlaşdı. Hərəkətlərindən bildim ki, sərxoşdu. Mən Vüsalnan onun yanından aralaşdım. Bu vaxtı Daşqın yerdən daş götürüb bizə tərəf atdı gəldi mənim ayağıma dəydi".
Rafiq Nərimanov ifadəsinin davamında bildirib ki, Daşqının hərəkətindən qəzəblənərək onun üzərinə gedib sifətinə yumruq atıb. Hüseynov yenidən ağır ifadələr işlətdiyindən yerdən götürdüyü içki qabı ilə onun baş nahiyyəsinə zərbələr vurub. 

Bir neçə gündən sonra məhəllədə qonşulardan Daşqının öldüyünü eşidib. 
Rafiq qeyd edib ki, mübahisəyə Daşqının onu söyüşlərlə təhqir etməsi səbəb olub.
Məhkəmə prosesi zamanı Rafiq Nərimanov ittiham üzrə özünü təqsirli bilib. 
Məhkəmə nəticəyə gəlib ki, təqsirləndirilən şəxsin CM-nin 126.3-cü( qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsində nəzərdə tutulmuş cinayət əməlini törətməsi tam sübuta yetirilib.
Sonda məhkəmənin hökmü ilə Rafiq Nərimanov 9 il 10 ay müddətinə azadlıqdan məhrum olunub.
Qeyd edək ki, Rafiq Nərimanov 2009, 2010 və 2017-ci illərdə üzərində narkotik vasitə aşkar edildiyindən məhkəmluq həyatı yaşayıb.