Birinci Qarabağ müharibəsində itkin düşmüş hesab olunan və Gəncə şəhərindəki Şəhidlər xiyabanında naməlum şəhid kimi dəfn edilən Ələkbərov Cavid Fazil oğlunun meyitin qalıqları Sumqayıt şəhərinə gətirilib. Burada vida mərasimi keçirilib.
Sumqayit.tv xəbər verir ki, aşkarlanmış meyit qalıqlarının eyniləşdirilməsi prosesində şəxsiyyəti müəyyən olunmuş Cavud Fazil oğlu Ələkbərov bu gün Sumqayıtda Şəhidlər Xiyabanında dəfn olunub.
Qeyd edək ki, əslən Qubadlı rayonunun Novlu kəndindən olan şəhid Ələkbərov Cavid Fazil oğlu 1994-cü ildə Kəlbəcər uğrunda gedən döyüşlərdə itkin düşüb və bu günədək ondan heç bir məlumat olmayıb. O, Gəncədəki Şəhidlər Xiyabanında naməlum şəhid adı ilə dəfn olunub.
23-05-2024, 11:52
191
