Azərbaycan Respublikası Prezidentinin sərəncamı ilə  “ Əkinçi” qəzetinin nəşrə başladığı gün 22 iyul Milli Mətbuat və Jurnalistika Günü kimi qeyd olunur.
Xalqımızın milli oyanışında çox böyük rolu olan “ Əkinçi” qəzeti Milli Mətbuat tarixinə şərəfli və ədalətli izlər həkk edib və işıqlı sabahlara yeni bir başlanğıc, yeni bir səhifə açıb.
Əsası 22 iyul 1875 ci ildə görkəmli maarifçi,təbiətşünas alim,publisist, mütəfəkkir  ziyalı Həsən Bəy Zərdabi tərəfindən qoyulmuş “Əkinçi” qəzetinin əsas məqsədi xalqı qəflət və cəhalət yuxusundan oyatmaq olmuş və bu yolda bütün çətinlikləri gözə almışdır.
Mətbuatın cəmiyyətin düzgün formalaşmasında, xalqın oyanışındakı rolu danılmazdır.
Mətbuat - milli- mənəvi dəyərlərin təbliğatçısı və daşıyıcısıdır.
H. B. Zərdabi Azərbaycan tarixində , mədəniyyətində öndə olan, qəlbində Vətən boyda Vətən sevgisi, çiyinlərində Vətən boyda xalqının cəhalətdən oyanış yükün daşıyan şəxsiyyətlərdən bəlkə də birincisi, öndəri olmuşdur.
Bu gün Qərbi Azərbaycan İcması Sumqayıt nümayəndəliyində biz də bu günün işığına toplaşdıq.
Nümayəndəliyimizin mediya işçilərinin simasında Azərbaycan  Milli Mətbuatının inkişafında rolu olan, ədaləti qədər də kəskin qələmə sahib olan bütün peşəkar jurnalistlərimizi təbrik edir, haqqın-ədalətin keşiyində ayıq- sayıq durmağı arzulayır Həsən Bəy Zərdabiyə və dünyasın dəyişmiş bütün jurnalistlərimizə Allahdan rəhmət diləyirik!!
Müəllif: Mehriban Nəcəf