"Sumqayıt" basketbol klubunun rəhbərliyi dəyişib.
Sumqayit.tv-in xəbərinə görə, klubun rəhbəri Riad Rəfiyev kluba pul ayırmaqdan imtina edib.
Belə ki, yeni mövsümdə onun rəhbər şəxs kimi təyin etdiyi dostu İsmayıl Əfəndiyev artıq basketbol klubundan məsul şəxs olmayacaq.
Sentyabrda başlayacaq yeni 2024/25 mövsümündən klubu tamamilə Azərbaycan Basketbol Federasiyası maliyyələşdirəcək. Artıq kluba rəhbər şəxs də təyin olunub. Bu, İqtisadiyyat Nazirliyində işləyən Elnur Quliyev adlı şəxsdir. Klubun loqosu da yeniləcək və artıq "Sumqayıt" futbol klubu ilə eynilik təşkil etməyəcək.
Qeyd edək ki, "Sumqayıt" futbol klubunun prezidenti olan Riad Rəfiyev əvvəl klubun nəqliyyat, tibb, məşq və oyun keçirmək üçün arena icarə haqqını qarşılayırdı. Qalan xərcləri isə federasiya öz üzərinə götürmüşdü. Görünür, futbolda avrokubok öncəsi komandasına lazımi transferlər etməyi bacarmayan menecer-prezident basketbolun onluq olmadığını anlayaraq, çəkilməyi lazım bilib. Görək, basketbola ayrılan xırda-para xərclər futbol klubuna yeni mövsümdə nə qədər məlhəm olacaq?