İqtisadi Zonaların İnkişafı Agentliyinin məlumatına görə, İraq Ticarət Palatalar Federa­siyasının prezidenti Abdulrazaq Al-Zuheyrinin rəhbərlik etdiyi nümayəndə heyətinin Sumqayıt Kimya Sənaye Parkı ilə tanışlığı zamanı onlara agentliyin idarəçi­liyindəki sənaye zonaları, burada sahibkarlar üçün yaradılan əlve­rişli investisiya imkanları, tətbiq olunan vergi və gömrük güzəştləri barədə məlumat verilib, iraqlı iş adamları müəssisələrdə yaradılan əlverişli biznes imkanlarından ya­rarlanmağa dəvət edilib. 
Səfər çərçivəsində qonaqlar Sumqayıt Kimya Sənaye Parkının foyesində quraşdı­rılan İqtisadi Zonaların İnkişafı Agentliyi­nin idarəçiliyində olan sənaye zonalarının rezidentləri tərəfindən buraxılan məhsul­ların nümunələrindən ibarət stendə baxış keçiriblər. Daha sonra nümayəndə heyəti “Sumqayıt Texnologiyalar Parkı” MMC-nin kabel zavodunda gedən istehsal prosesi ilə tanış olublar.