Sumqayıt şəhər Yaşıllaşdırma İdarəsi tərəfindən 22 aprel 2025-ci ildə keçirilən elektron Açıq Tenderin (müsabiqə İN:107998) nəticələrinə əsasən, “Yaşıllıqların salınması işləri” üzrə qalib “SM CONSTRUCTION COMPANY” MMC (VÖEN: 2001805261) elan olunub. Şirkətlə 293.584 manat dəyərində satınalma müqaviləsinin bağlanması nəzərdə tutulur.
Sumqayit.tv xəbər verir ki, şirkətin hüquqi və tarixçəsi araşdırıldıqda maraqlı və düşündürücü bir mənzərə ortaya çıxıb. Belə ki, bu şirkət hazırda Bakı şəhəri, Nəsimi rayonu, Mir Cəlal 4 MKR, ev 68, mənzil 79 ünvanında qeydiyyatdadır və nizamnamə kapitalı cəmi 10 manatdır.
Araşdırmamız zamanı məlum olub ki, bu şirkət indiyə qədər ən azı 4 dəfə adını dəyişib:
2010: “MAGNİT-SS” MMC olaraq qeydiyyatdan keçib
2021: “AQUA İNŞAAT” MMC adını alıb
2023 (fevral): “FIRE ENGINEERING” MMC olaraq dəyişdirilib
2023 (avqust): “SM CONSTRUCTION COMPANY” MMC adı ilə yenidən qeydiyyata alınıb
Xatırladaq ki, arasdirmamızın nəticəsində bütün bu dəyişikliklər eyni hüquqi şəxs və eyni VÖEN altında baş verdiyi məlum olub
1-05-2025, 15:47
205
