Sumqayıt şəhərində vətəndaş müraciətlərinə baxılması və problemlərin operativ şəkildə həlli məqsədilə növbəti qəbul görüşü keçirilib.

Sumqayit.tv xəbər verir ki, şəhər bələdiyyəsinin sədri Adil Xudadatovun rəhbərliyi ilə təşkil olunan qəbulda şəhərin müxtəlif ərazilərindən gələn sakinlər iştirak ediblər. Qəbul zaman1ı vətəndaşlar əsasən yol və küçələrin vəziyyəti, abadlıq işləri, sosial dəstək, maddi yardım və infrastrukturla bağlı mövcud problemləri diqqətə çatdırıblar.

Müraciətlər dinlənildikdən sonra bəzi məsələlərlə bağlı yerindəcə aidiyyəti üzrə qurumlara tapşırıqlar verilib, digər müraciətlərin araşdırılması və həlli üçün qeydiyyat aparılıb.

Qeyd edək ki, bu cür görüşlər vətəndaş-məmur münasibətlərinin səmərəli təşkili və ictimai nəzarətin gücləndirilməsi baxımından əhəmiyyət daşıyır.

Qəbul prosesi vətəndaşların müraciətlərinə çevik yanaşma və yerli idarəetmənin effektivliyinin artırılması məqsədilə keçirilən tədbirlərin davamıdır.