Sumqayıt şəhərində fəaliyyət göstərən “Dalyan” MMC işçilərin əmək hüquqlarını pozduğuna görə məsuliyyətə cəlb olunub.

Sumqayit.tv xəbər verir ki, Baş Prokurorluğun Mətbuat xidmətindən verilən məlumata görə, araşdırma zamanı şirkət tərəfindən əmək qanunvericiliyinə zidd olaraq əmək müqaviləsi bağlanmadan 1 nəfərin işlərə cəlb edilməsi faktı müəyyən edilib.

Faktla bağlı Sumqayıt şəhər prokurorluğunda Azərbaycan Respublikası İnzibati Xətalar Məcəlləsinin 192.1-ci maddəsi ilə inzibati icraat başlanıb və iş baxılması üçün məhkəməyə göndərilib.

Məhkəmənin qərarı ilə hüquqi şəxs – “Dalyan” MMC 20 min manat məbləğində inzibati qaydada cərimələnib.

Eyni zamanda, şirkətin direktoru Ağayev Zamin Zahid oğlu barəsində də inzibati icraat aparılıb və o, müvafiq qərarla 3 min manat cərimə olunub. //Apa