Sumqayıt Bələdiyyəsində məhəllə komitələrinin yeni seçilmiş üzvləri ilə görüş keçirilib.

Sumqayit.tv-yə Sumqayt şəhər Bələdiyyəsindən verilən məlumata görə, görüşdə bələdiyyə sədri və aidiyyəti şöbələrin nümayəndələri iştirak ediblər. Tədbir zamanı məhəllə komitələrinin fəaliyyət prinsipləri, səlahiyyətləri, qərarların qəbul olunma qaydaları və hesabatlılıq mexanizmləri barədə məlumat verilib.

Qeyd olunub ki, məhəllə komitələri vətəndaşlarla dövlət qurumları arasında vasitəçi rolunu oynayır və onların gündəlik sosial-məişət problemlərinin həllinə dəstək göstərir. Komitə üzvlərinin əsas vəzifəsinin sakinlərin problemlərini qeydə alıb aidiyyəti qurumlara çatdırmaqla yanaşı, maarifləndirici işlər aparmaq və ictimai fəallığın artırılmasına töhfə vermək olduğu vurğulanıb.

Görüş qarşılıqlı fikir mübadiləsi və gələcək fəaliyyət istiqamətləri ilə bağlı müzakirələrlə davam edib.