İpoteka və Kredit Zəmanət Fondu satmaq öhdəliyi ilə kirayə mexanizmi çərçivəsində Sumqayıt şəhəri, Sülh prospektində yerləşən yaşayış kompleksində 201 yeni və tam təmirli mənzili vətəndaşların istifadəsinə təqdim edib.

Sumqayit.tv-yə Fonddan verilən məlumata görə, mənzillərin yaşayış sahəsi 1, 2 və 3 otaqlı olmaqla təklif olunur. Aylıq ödənişlər 347 manatdan başlayır.

Yeni mənzillərin seçimi 17 oktyabr 2025-ci il, saat 15:00-dan etibarən açıq olacaq. Vətəndaşlar təqdim edilən mənzillərin siyahısı ilə onlayn şəkildə tanış ola bilərlər.

Müraciətlərin qəbulu və mənzil seçimi Elektron Hökumət İnformasiya Sisteminə inteqrasiya edilmiş Elektron İpoteka və Kredit Zəmanət sistemi vasitəsilə həyata keçirilir.

Qeyd edək ki, bu günə qədər satmaq öhdəliyi ilə kirayə mexanizmi çərçivəsində 8255 kirayə müqaviləsi bağlanıb.