Misli Premyer Liqasının X turuna bu gün yekun vurulacaq.
Sumqayit.tv xəbər verir ki, turun əvvəlki oyunlarında “Sumqayıt” FK öz meydanında “Araz-Naxçıvan”ı 3:2 hesabı ilə məğlub edib. Bu qələbə ilə komanda turnir cədvəlində vacib 3 xal qazanıb və mövqeyini möhkəmləndirib.
Turun sonuncu qarşılaşması bu axşam keçiriləcək. “Sabah” komandası “Qəbələ”ni qəbul edəcək. Oyun saat 19:30-da “Bank Respublika Arena”da start götürəcək.
Hazırda “Sabah” 15 xalla 6-cı, “Qəbələ” isə 5 xalla 10-cu pillədə qərarlaşıb.
Hakimlər heyəti:
Fərid Hacıyev (baş hakim), Rəhman İmami, Şirmamed Məmmədov, Kamran Əliyev.
VAR: Nicat İsmayıllı, AVAR: Eyyub İbrahimov.
Hakim-inspektor: Orxan Məmmədov, AFFA nümayəndəsi: Asif Əliyev.
Qeyd: X turun digər matçlarında “Qarabağ” “İmişli”ni 2:0, “Zirə” “Karvan-Yevlax”ı 3:2, “Neftçi” “Kəpəz”i 5:1, “Turan Tovuz” isə “Şamaxı”nı 2:1 hesabı ilə məğlub edib.
3-11-2025, 12:39
210
