Sumqayıt şəhər İcra Hakimiyyəti tərəfindən keçirilən ənənəvi Yeni il tədbirində şəhərdə müxtəlif sahələr üzrə fəaliyyət göstərən bir sıra şəxslər təltif edilib. Lakin Sumqayıtın tanınmış ictimai fəallarından və QHT sədrlərindən olan Emil Maqalov bu siyahıda adının yer almamasından narazılığını bildirib.
Sumqayit.tv xəbər verir ki, Regional Sosial Təşəbbüslərə Dəstək İctimai Birliyinin sədri, narkomaniya üzrə ekspert Emil Maqalov sosial şəbəkə hesabında paylaşım edərək qeyd edib ki, nəinki təltif olunub, hətta tədbirə də dəvət edilməyib. O, Sumqayıt şəhərində və Azərbaycanın bir sıra bölgələrində antinarkomanoya mövzusunda maarifləndirici təlimlər keçirdiyini xatırladıb.
Emil Maqalov paylaşımında bildirib ki, uzun illərdir ictimai fəaliyyətlə məşğuldur və Sumqayıt üzrə mühüm layihələr həyata keçirib. Buna baxmayaraq, onun adının şəhər rəhbərliyinə təqdim olunmadığını vurğulayıb.
İctimai fəal bəzi şəxslərin maddi imkanlarına görə ön plana çəkildiyini iddia edərək, bu yanaşmanı ədalətsiz hesab etdiyini vurğulayıb. O, məsələnin səbəblərini araşdıracağını və ictimaiyyətə açıqlayacağını da bildirib.
Qeyd edək ki, məsələ ilə bağlı Sumqayıt Şəhər İcra Hakimiyyətindən hələlik hər hansı rəsmi açıqlama verilməyib.
VİDEO MÜRACİƏTİN LİNKİ: (32)Sumqayıtda keçirilən Yeni il tədbirində bir sıra şəxslər təltif olunsa... | TikTok
29-12-2025, 17:57
119
