Sumqayıt şəhər İcra Hakimiyyətinin başçısı Zakir Fərəcovun vətəndaşlarla yerlərdə keçirdiyi səyyar qəbul-görüşlər davam etdirilir. 

Sumqayıt.tv xəbər verir ki, növbəti səyyar qəbul Sumqayıt şəhərinin 2-ci mikrorayon ərazisində təşkil olunub. Görüşdə şəhər İcra Hakimiyyətinin məsul əməkdaşları, idarə və müəssisə rəhbərləri, şəhid ailələri, müharibə qaziləri və yerli sakinlər iştirak ediblər.

Səyyar qəbul zamanı Zakir Fərəcov sakinləri fərdi qaydada qəbul edərək onların müraciət və təkliflərini dinləyib. Şəhər rəhbəri bildirib ki, vətəndaşlarla birbaşa görüşlər prioritet istiqamətlərdəndir və daxil olan müraciətlərin qanunvericiliyə uyğun həlli üçün ardıcıl tədbirlər görülür.

Qəbul zamanı sosial müdafiə, mənzil-məişət şəraiti, məşğulluq və kommunal məsələlərlə bağlı müraciətlər səsləndirilib. Qaldırılan problemlərin bir hissəsi yerindəcə həll olunub, əlavə araşdırma tələb edən müraciətlər isə aidiyyəti qurumlara tapşırılaraq nəzarətə götürülüb.

23-01-2026, 15:40 113