Mayın 10-14-də keçiriləcək Bakı-Xankəndi Azərbaycan Velosiped Yarışının tanıtım videoçarxı beynəlxalq telekanallarda yayımlanmağa başlayıb.
Sumqayit.tv xəbər verir ki, videoçarx “Eurosport” və “Euronews” telekanallarında nümayiş olunur. Bu barədə Azərbaycan Velosiped İdmanı Federasiyasından məlumat verilib.
Bildirilib ki, təqdimat videosunda yarış haqqında ümumi məlumat, mərhələlər və iştirakçıların keçəcəyi marşrutlar əks olunub.
Məlumata görə, Beynəlxalq Velosipedçilər İttifaqının (UCI) 2.1 kateqoriyalı yarışında 1 Dünya Turu komandası, 4 Pro-Tur komandası, 19 kontinental komanda və Azərbaycan yığması iştirak edəcək.
Qeyd edək ki, 5 mərhələdən ibarət yarışın ilk mərhələsi 10 may tarixində “Sea Breeze Resort”dan start götürərək Bakı şəhərindən keçəcək və Sumqayıtda finişə çatacaq.
Digər mərhələlər Bakı – Şamaxı – İsmayıllı, Qəbələ – Oğuz – Şəki – Mingəçevir, Gəncə – Göygöl – Goranboy – Suqovuşan – Talış – Naftalan və Tərtər – Ağdam – Füzuli – Şuşa – Xankəndi marşrutlarını əhatə edəcək.
1-05-2026, 21:00
316
