"Çox maraqlıdır, bu banklar niyə marketinq strategiyası fikirləşəndə ancaq ölkə üzrə ağlını işlədir, ayrı-ayrı şəhərlər üzrə işlətmir, işlətmək istəmir?

Sumqayıt Nəqliyyat Departamenti kart sisteminə keçəndən sakinlərin əsas problemlemlərindən biri də kart  qıtlığıdır, yəni neçə vaxtdır satışda tapılmır.

Bir bank görmədim ki, bununla bağlı hansısa kompaniya edib kartlarını satsın, təqdim etsin. Əlavə müştəri bazası, az da olsa, maliyyə qazansın. Nəzərə almırlar ki, Sumqayıt əhalisinin sayı elə yarım milyona çatır və əksəriyyəti sərnişin nəqliyyatından istifadə edir. Sanki bankda işləyənlər də Sumqayıtda yaşayan deyillər. Bankın, ya da ola bilsin, işçilərinin heç bir təkliflərinə fikir vermirlər və ya  ümumiyyətlə işçilər də belə bir təklifi ağıllarından keçirməyiblər. 

Baş ofis Bakıda yerləşir deyə, hər şeyi Bakı ilə ölçmək düzgün deyil, istənilən banka yazırsan ki, sizin kartla Sumqayıt Nəqliyyatında ödəniş etmək olar, deyəcək yox. Amma əslində olar, çünki müraciətlərə Baş Ofis baxır, onun bu haqda məlumatı yoxdu, ağlına gəlməz ki, bir maraqlanım görüm, müraciət edəndə yalan məlumat verməyək müraciət edənlərə.. 

İndi Azərpoçt qabağa düşüb kart düzəldib satır, amma ağlına gəlməyib ki, kartın balansına camaat çöldə rahat pul yükləyə bilsin. Deyir ki, ancaq Azərpoçt şöbələrində artırmaq olar, o şöbələr ki, ancaq iş vaxtı işləyir. Bəs camaat işdən çıxanda kartı nə ilə doldursun?

Çox güman kartı satanda əlavə balansı necə artırmaq izahını da verməyiblər. Məsələn, həmin kartları "card-to-card", yəni başqa bank kartlarından bu Azərpoçtun verdiyi karta hər hansı bankın aplikasiyası ilə də ödəniş edərək balansı artıra bilərlər. Burda komisyon məsələsi də var. Təəssüf ki, yalnız Azərtürkbankın ATB kartının, Unibankın Leokartının öz aplikasiyasıyalarından poçtun verdiyi karta ödəniş etsək, komisyonsuz olur. Digər bankların kartlarından köçürmə etsəz, fərqli-fərqli komisyonlar tuta bilər. Az komisyon itirəsiz deyə, burda bir az yuxarı məbləğ yükləyin ki, balans gec bitsin, komisyon itkisi az olsun, yoxsa az məbləğ yükləsəz, tez bitəndə yenidən yükləməli olursuz, bu da tez-tez komisyon itirməyinizə səbəb olacaq".