22.11.2021-ci il tarixində Yeni Azərbaycan Partiyasının yaranmasının 29-cu ildönümü ilə əlaqədar  Sumqayıt şəhər 1 nömrəli Uşaq-Gənclər İnkişaf Mərkəzində  dəyirmi masa təşkil edilib. Dəyirmi masada mərkəzin YAP ərazi partiya təşkilatının sədri Esmira Qocayeva, direktoru Əntiqə Rzayeva, həmkarlar təşkilatının sədri Nərminə Ağayeva, müəllimlər iştirak ediblər. İlk öncə 44 günlük Vətən müharibəsi şəhidlərinin xatirəsi bir dəqiqəlik sükutla yad edildi. Sonra ərazi partiya təşkilatının sədri Esmira Qocayeva  Yeni Azərbaycan Partiyasının yaradılması, xalqın təkidi ilə Ümummili liderin  siyasi rəhbərliyi qəbul edərək müstəqil Azərbaycanın inkişafındakı əvəzsiz xidmətləri barədə məlumat verdi. O qeyd etdi ki, tarixin yetirdiyi görkəmli şəxsiyyətlərdən olan Heydər Əliyevin parlaq siyasi zəkası sayəsində Azərbaycan öz milli-ənənəvi dəyərlərini qoruyaraq, yeni bir inkişaf dövrünə qədəm qoymuşdur. Heydər Əliyevin zəkası bütün çətinlikləri dəf edərək Azərbaycanı olduqca mürəkkəb zamanın dalğaları arasından çıxarıb ona həm bölgədə, həm də dünyada layiqli yer qazandırmışdır.    Daha sonra mərkəzin direktoru Əntiqə Rzayeva öz çıxışında qeyd etdi ki, Ümummilli lider Heydər Əliyevin çoxəsirlik dövlətçiliyimiz tarixində onun xidmətlərinin  müstəsna yeri vardır.Müasir Azərbaycanda  dövlət quruculuğunun, iqtisadi dirçəlişin, siyasi şüurun formalaşması onun adı ilə bağlıdır. Bu günkü gündə  Heydər Əliyev məktəbinin davamçısı kimi İlham Əliyev onun siyasi kursunu layiqli şəkildə davam etdirir.        Tədbirdə Həmkarlar təşkilatının sədri Nərminə Ağayeva söz alaraq bildirdi ki, Ümummilli lider Heydər Əliyevin siyasi fəaliyyətinin mühüm bir hissəsi yaradıcısı və sədri olduğu Yeni Azərbaycan Partiyası ilə sıx şəkildə bağlıdır. Heydər Əliyevin hakimiyyətə gəlməsi ilə YAP-ın inkişafında  yeni mərhələ başlamışdır. Bu gün siz çalışmalısınız ki, YAP-nın fəal gəncləri  olaraq milli dövlətçilik ideyalarını gələcək nəslə ötürəsiniz. Sonda, mərkəzin direktoru Əntiqə Rzayeva  partiyanın yaradılmasının 29-cu ildönümü münasibətilə bütün kollektivi təbrik etdi.