Sumqayıtda "Mərhəmətli olmağa tələsin” adlı xeyriyyə aksiyası davam etdirilir. Aksiya hər il "Qızıl Aypara Cəmiyyəti” tərəfindən "Yeni il” ərəfəsində keçirilir. 

Poeziya evində keçirilən tədbirdə valideyninlərini itirmiş, fiziki məhdudiyyətli və tək ana himayəsində olan 80 uşaq iştirak edib. Onlara bayram sovqatı və isti geyim hədiyyə edilib. Bundan əlavə, Vətən müharibəsinin şəhid və qazilərinin ailələri üçün bayram ərəfəsi təşkil edilən şənlikdə 50 uşağa sovqat verilib.
Bölmə sədri Mətanət Məhərrəmova bildirib ki, aksiyadan öncə siyahı tutulur, uşaqların ehtiyacları öyrənilir, sonra isə hər kəsə uyğun qış geyimləri, ayaqqabı alınıb paylanılır.
Qeyd olunur ki, "Qızıl Aypara Cəmiyyəti” bu il artıq 150 uşağa bayram sevincini yaşadıb.