Məlum olduğu kimi, Sumqayıtda bir çox əcnəbi brend adı altında kafelər fəaliyyət göstərir. Afford Pizza, Vanilla, Poseydon, Boiling və Belgian Coffee Wine adlı iaşə müəssisələrini sadalamaq olar. 

Sumqayit.tv-nin əməkdaşlarının apardığı araşdırma zamanı diqqətçəkən məqamlar üzə çıxıb.  Belə ki, ..... kafeyə daxil olarkən yanında xanım olmadan girişə icazə verilmir. Maraqlıdır, görəsən, bunun səbəbi nədir?! Bəlkə kiminsə qonağı gəlib, öz qonağını bu cür brend kafelərə aparıb orda nahar etmək və ya kofe içməsi üçün xanımmı tapmalıdır? Dünyanın bir çox ölkələrində xidmət müəssisələrində girişdə belə bir tələb olur. Lakin bunu əasaslandıran lövhə də qoyulur və izah edilir. Amma Sumqayıtın “möhtəşəm” kafelərində müştəri qapıda "olmaz" qadağası ilə geri qayıtmağa məcbur olur. Moskva, Kiyev və Varşava kimi şəhərlərdə olmuşam. Amma heç vaxt belə halı müşahidə etməmişəm.
Tutaq ki, siz deyən qayda ilə hərəkət etdik. Deyək ki, müştəri hər hansı başqa xanımla bura gəlsə, bu nə dərəcədə ailəvi restoran sayılacaq? Belə qayda-qanuna əməl edirsinizsə, özünüzün prinsipləriniz varsa, nəyə görə dövlətin müəyyənləşdirdiyi qaydaları pozursunuz. Əməkdaşlarımızın .... kafedə olduğu müddətdə işçilərin və rəhbər heyətin qoruyucu vasitələrdən istifadə etmədiyini müşühidə edib. Bunu sübut edən fotoları da təqdim edəcəyik. 
Məsələnin mahiyyəti odur ki, bu kafelər bren adı ilə şəhər sakinlərinə yeniliklər təqdim etmək, fərqli görünmək üçün yeni qaydalar müəyyənləşdiriblər, dövlətinin qoyduğu tələbləri kobud surətdə pozurlar.

Fateh Sarı