Sumqayıt Bulvarında Sumqayıt şəhər İcra Hakimiyyətinin təşəbbüsü, şəhər Gənclər və İdman Baş İdarəsi, Əmək və Əhalinin Sosial Müdafiə Nazirliyi, Milli Paralimpiya Komitəsi, Dövlət Tibbi-Sosial Ekspertiza və Reabilitasiya Agentliyi, Azərbaycan Velosiped Federasiyası və Əlil Velosipedçilərə Dəstək İctimai Birliyinin birgə təşkilatçılığı ilə Ümummilli Lider Heydər Əliyevin anadan olmasının 99 cu ildönümünə həsr olunmuş yeniyetmə, gənc və böyüklər arasında inklüziv veloyürüş keçirilmişdir. Tədbirin keçirilməsində əsas məqəsəd Ulu Öndər Heydər Əliyevin anadan olmasının 99-cu ildönümünün qeyd olunması, şəhərdə idmanın kütləviliyinin artırılması, fiziki məhdudiyyətli şəxslərdə Paravelosiped idman növünə maraq oyatmaq, onların cəmiyyətə inteqrasiyası, özünəinam hissinin qüvvətlənməsi, həmçinin reabilitasiya imkanlarının genişləndirilməsinə eyni zamanda onların asudə vaxtlarının səmərəli keçirmələrinə şərait yaratmaqdır. 
Veloyürüşdə 8 əlil velosipedi, 2 uşaq əl velosipedi, 1 serebral velosiped, 2 tandem gözdən əlil köməkçinin müşayətilə sürülən velosiped və sağlam velosipedçilrədən ibarət 30 - a yaxın  iştirakşı cəlb olunmuşdur.
Tədbirdə cıxış edənlər Sumqayıt Şəhər İcra Hakimiyyətinin nümayəndəsi Fərman Kazımov, Gənclər və İdman Baş İdarəsinin rəisi Elgün Hümbətov, Sumqayıt Reabilitasiya Mərkəzinin direktoru Pərvanə Hacıyeva, Əlil Velosipedçilərə Dəstək İctimai Birliyinin sədri Amid Həsənquliyev və Sumqayıt Tibb Mərkəzinin publik hüquqi şəxsi Səkinə Sadıqova bu gün Ümummilli Lider Heydər Əliyevin siyasi kursunun ölkə başçısı cənab İlham Əliyev tərəfindən uğurla davam etdirildiyini, dövlətimizin gənclərə olan diqqət və qayğısının peşəkar idmançılarla yanaşı sağlamlıq imkanları məhdud gəncləri də əhatə etdiyini, onları idmana həvəsləndirərək özünəinamını bərpa etdiyini bildirmişlər.
Sonda veloyürüşün iştirakçılarına Sumqayıt şəhər Gənclər və İdman Baş İdarəsi tərəfindən Fəxri Fərmanlar təqdim olunmuşdur.