Azərbaycan Respublikası Gənclər və İdman Nazirliyinin təşəbbüsü, Sumqayıt şəhər Gənclər və İdman Baş İdarəsinin təşkilatçılığı ilə 10-16 yaş yeniyetmə və gənclər arasında tematik yay düşərgələrinə start verilmişdir. Düşərgədə müxtəlif müsabiqə və yarış qalibləri, istedadlı və yaradıcı gənclər, o cümlədən xüsusi qayğıya ehtiyacı olan gənclər iştirak etmişlər.
Düşərgənin keçirilməsində məqsəd ordumuzun parlaq qələbəsi ilə nəticələnən 44 günlük Vətən müharibəsinin təbliği, uşaq-yeniyetmələrin bilik və bacarıqlarının inkişafına dəstək, eləcə də onların asudə vaxtlarının səmərəli təşkili və hərtərəfli inkişafını təmin etməkdir.
Düşərgə proqramı çərçivəsində "Şuşa, sən azadsan!" sənədli film nümayişi, Vətən müharibəsi qazisi Anar Şəfiyevlə gənclərin görüşü keçirilmiş, üzgüçülük, futbol, boulinq idman növləri üzrə həvəskar yarışlar, ekskursiyalar, seminarlar, əyləncəli oyunlar təşkil edilmişdir.
Qeyd edək ki, düşərgələrin 31 avqust tarixinədək davam etdirilməsi nəzərdə tutulur.
2-08-2022, 11:23
306
