Heydər Əliyevin 100 illik yubileyi ilə əlaqədar İqtisadi İqtisadi Zonaların İnkişafı Agentliyinin Peşə Təhsil Mərkəzində ağacəkmə aksiyası keçirilib.
Sumqayit.tv xəbər verir ki, Ulu öndər Heydər Əliyevin 100 illik yubileyi ilə əlaqədar təsdiq edilmiş Tədbirlər Planına uyğun olaraq İqtisadi Zonaların İnkişafı Agentliyinin Peşə Təhsil Mərkəzində dekabrın 25-də növbəti ağacəkmə aksiyası keçirilib. Ümummilli lider Heydər Əliyevin rəhbərliyi dövründə ətraf mühitin qorunması, iqlim dəyişikliyi ilə bağlı problemlərin həlli məsələləri daim diqqət mərkəzində saxlanılıb, atmosfer havasının çirklənməsinin qarşısının alınması və təbii sərvətlərdən səmərəli istifadəyə xüsusi qayğı ilə yanaşılıb. Aksiyanın məqsədi də Ulu öndərin ekoloji vəziyyətin sağlamlaşdırılması, təbiətə qayğını təbliğ etmək ənənələrini davam etdirmək, ağac əkilməsini və yaşıllıqların çoxaldılmasını təşviq edərək ekosistemin mühafizəsinə töhfə verməkdir. Aksiyada İqtisadi Zonaların İnkişafı Agentliyinin sədr müavini Fuad Məhərrəmov, Mərkəzin direktoru Kənan Bağırov, pedaqoji və inzibati heyət və tələbələr iştirak etmişlər.