2025–2026-cı tədris ili üzrə Sumqayıt da daxil olmaqla, ölkənin bütün şəhər və rayonlarında ümumi təhsil müəssisələrinin birinci siniflərinə şagird qəbulu başlayıb.

Sumqayit.tv xəbər verir ki, qəbul prosesi www.mektebeqebul.edu.az portalı vasitəsilə elektron qaydada həyata keçirilir.

Qeydiyyat Azərbaycan bölməsi üzrə 6 may – 12 sentyabr tarixlərində aparılacaq. Tədrisin digər dillərdə olduğu bölmələr üzrə isə müsahibəyə qeydiyyat 6 – 20 may, müsahibələr 12 – 31 may tarixlərində keçiriləcək. Müəllim və məktəb seçimi 17 iyun – 12 sentyabr tarixlərini əhatə edəcək.

Sumqayıt, Bakı, Gəncə və Abşeron rayonu üzrə Azərbaycan bölməsində prioritetli məktəb və müəllim seçimi 6 may – 5 iyun, digər dillərdə aparılan bölmələr üzrə isə 17 iyun – 17 iyul tarixlərində aparılacaq.

Müvafiq müddət başa çatdıqdan sonra həmin məktəblər üçün prioritet olmadan da müraciət imkanı veriləcək.

Bildirilib ki, bu il Azərbaycan bölməsi üzrə 85 minə yaxın uşaq məktəbəhazırlıq qrupundan avtomatik olaraq birinci sinfə keçiriləcək.

1-05-2025, 15:57 302