2026-cı ildə Sumqayıtda Sənaye və Yüksək Texnologiyalar üzrə Peşə Təhsili Mərkəzi fəaliyyətə başlayacaq.
Sumqayit.tv əbər verir ki, Sumqayıt şəhərində peşə təhsili sahəsində əhəmiyyətli yenilik gözlənilir. Bu barədə peşə təhsilinin keyfiyyətinə nəzarət şöbəsinin müdiri Kənan Həsənli bildirib ki, Sənaye və Yüksək Texnologiyalar üzrə Sumqayıt Peşə Təhsili Mərkəzi 2026-cı ildə istifadəyə veriləcək.
Onun sözlərinə görə, Sosial İqtisadi İnkişaf Strategiyası (SİİS) çərçivəsində Sumqayıtda peşə təhsili müəssisəsində layihələndirmə və təmir işləri həyata keçirilib. Bu mərkəz Sənaye və Yüksək Texnologiyalar sahəsində ixtisaslı kadrların hazırlanması üçün nəzərdə tutulur.
Kənan Həsənli əlavə edib ki, Sumqayıt Peşə Təhsili Mərkəzinin istifadəyə verilməsi ilə həm peşə təhsilinin keyfiyyəti artırılacaq, həm də şəhərin sənaye müəssisələrinə ixtisaslı kadrların təminatı güclənəcək.
2-12-2025, 15:10
111
