Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunan “Urban Expo” sərgisində Azərbaycan universitetləri öz innovativ layihələrini nümayiş etdirirlər.
Sumqayit.tv xəbər verir ki, sərgidə Sumqayıt Dövlət Universiteti də iştirak edir.
Bildirilib ki, universitetlər tərəfindən dayanıqlı şəhər inkişafı, “ağıllı şəhər” həlləri, yaşıl enerji, robot texnologiyaları, rəqəmsal transformasiya və iqlim dəyişikliklərinə adaptasiya istiqamətlərində hazırlanan layihələr təqdim olunur.
Sərgidə Bakı Dövlət Universiteti, Qarabağ Universiteti, Azərbaycan Dövlət İqtisad Universiteti, Azərbaycan Dövlət Neft və Sənaye Universiteti, Bakı Mühəndislik Universiteti, Azərbaycan Texniki Universiteti, Azərbaycan Memarlıq və İnşaat Universiteti ilə yanaşı, Sumqayıt Dövlət Universiteti də təmsil edilir.
Qeyd olunub ki, tədbirdə ali təhsil müəssisələrinin innovativ təşəbbüsləri və beynəlxalq əməkdaşlıq imkanları ziyarətçilərə təqdim edilir.
21-05-2026, 16:58
106
