Sumqayıt Musiqi Kollecinin direktoru Bakıya təyin olundu
Sumqayıt Musiqi Kollecinin direktoru vəzifəsində çalışan Səbinə Mehdiyeva yeni vəzifəyə təyin edilib.
Sumqayit.tv xəbər verir ki, Elm və Ali Təhsil üzrə Dövlət Agentliyinin müvafiq əmrinə əsasən, Səbinə Mehdiyeva Azərbaycan Milli Konservatoriyasının nəzdində Bakı Musiqi Kollecinin direktoru vəzifəsinə təyin olunub.
Qeyd olunub ki, Səbinə Mehdiyeva Bakı Musiqi Akademiyasında fortepiano ixtisası üzrə bakalavr, musiqişünaslıq ixtisası üzrə magistr təhsili alıb. O, 2009-cu ildə sənətşünaslıq üzrə fəlsəfə doktoru elmi dərəcəsinə layiq görülüb.
Səbinə Mehdiyeva 2021-ci ildən indiyədək Azərbaycan Milli Konservatoriyasının nəzdində Sumqayıt Musiqi Kollecinin direktoru vəzifəsində çalışırdı. Yeni təyinatla fəaliyyətini Bakı Musiqi Kollecinin direktoru kimi davam etdirəcək.
29-06-2026, 18:34
141
