2025–2026-cı tədris ilində Sumqayıt Dövlət Universitetində gənclər təşkilatlarının fəaliyyətində fəal iştirak edən və universitetin ictimai həyatına töhfə verən tələbələr sertifikatlarla mükafatlandırılıblar.
Sumqayit.tv xəbər verir ki, tədbirdə çıxış edən universitetin rektoru Nurəli Yusifbəyli fəal tələbələri təbrik edərək onların təşəbbüskarlığının və nailiyyətlərinin ali təhsil müəssisəsinin uğurlarında mühüm rol oynadığını bildirib.
Rektor qeyd edib ki, elm və texnologiyanın sürətlə inkişaf etdiyi müasir dövrdə gənclərin üzərinə böyük məsuliyyət düşür:
"XXI əsrin çağırışlarına cavab vermək, ölkəmizə, dövlətimizə və cəmiyyətimizə daha böyük töhfələr vermək üçün sizin üzərinizə mühüm məsuliyyət düşür", – deyə o vurğulayıb.
Nurəli Yusifbəyli həmçinin tələbələrin formalaşmasında ailələrin rolunu xüsusi qeyd edərək, savadlı, fəal və vətənpərvər gənclər yetişdirdiklərinə görə valideynlərə təşəkkürünü çatdırıb.
30-06-2026, 16:54
49
