Təkrar sertifikatlaşdırma imtahanında uğur qazana bilməyən müəllimlərlə bağlı yeni mexanizm tətbiq olunacaq.
Sumqayit.tv xəbər verir ki, Məktəbəqədər və Ümumi Təhsil üzrə Dövlət Agentliyinin məlumatına əsasən, bu məqsədlə xüsusi komissiyalar yaradılıb.
Məlumata görə, komissiyalar iyulun 31-dək Agentliyin yerli təhsili idarəetmə bölmələrində fəaliyyət göstərəcək. Onların əsas vəzifəsi keçid balını toplaya bilməyən təhsilverənlərlə fərdi şəkildə işləmək, sosial vəziyyətlərini qiymətləndirmək və mümkün olduqda alternativ iş imkanlarını araşdırmaqdır.
Qeyd edək ki, sözügedən tədbirlər 2026-cı ildə keçirilən təkrar sertifikatlaşdırma prosesində uğur qazana bilməyən müəllimləri əhatə edir.
2-07-2026, 11:21
301
