2026-cı il üzrə müəllimlərin sertifikatlaşdırılması prosesində ən yüksək uğur göstəricisi texnologiya fənnini tədris edən müəllimlər arasında qeydə alınıb.

Sumqayit.tv xəbər verir ki, bu barədə Məktəbəqədər və Ümumi Təhsil üzrə Dövlət Agentliyi AZƏRTAC-ın sorğusuna cavab olaraq məlumat yayıb.

Məlumata əsasən, texnologiya fənni üzrə sertifikatlaşdırmada iştirak edən 2 948 müəllimdən 2 555-i uğurlu nəticə göstərib.

Fiziki tərbiyə fənni üzrə imtahanda iştirak edən 5 419 müəllimdən 4 516-sı, təsviri incəsənət fənni üzrə 1 689 müəllimdən 1 405-i, musiqi fənni üzrə 1 311 müəllimdən 1 041-i, tarix fənni üzrə isə 5 571 müəllimdən 4 194-ü sertifikatlaşdırmadan uğurla keçib.

Qeyd edək ki, müəllimlərin sertifikatlaşdırılması onların peşəkar bilik və bacarıqlarının qiymətləndirilməsi, həmçinin təhsilin keyfiyyətinin artırılması məqsədilə həyata keçirilir.

13-07-2026, 16:15 44