Mərkəzləşdirilmiş qaydada qəbul aparılan lisey və gimnaziyalara seçimlərin nəticələri elan olunub.

Sumqayit.tv xəbər verir ki, şagirdlər qəbul nəticələri ilə sy.edu.az platformasının "İmtahanlar" → "Lisey seçimi" bölməsi vasitəsilə tanış ola bilərlər.

Məlumata görə, lisey və gimnaziyalara qəbul olunan şagirdlərin sənəd qəbulu avqust ayının ilk yarısında həyata keçiriləcək. Yerdəyişmə sistemi aktivləşdirildikdən sonra isə qəbul olunan şagirdlər üçün elektron sistemdə avtomatik sorğular yaradılacaq.

Şagirdlər və valideynlər şəxsi kabinetlərindəki "Sorğularım" bölməsi vasitəsilə sorğuların icra vəziyyətini və mərhələlərini izləyə biləcəklər.

Sumqayıtda fəaliyyət göstərən lisey və gimnaziyalar:

• Nizami Gəncəvi adına Texniki və Təbiət Elmləri Liseyi;
• "Təfəkkür" Liseyi;
• Humanitar və Təbiət-Riyaziyyat Təmayüllü "İstedad" Liseyi;
• Təbiət Elmləri Təmayüllü Gimnaziya.

20-07-2026, 14:09 67