Sumqayıt Dövlət Universitetinin (SDU) dosenti, iqtisad üzrə fəlsəfə doktoru Aygün Əliyeva dünyanın Top 500 universiteti sırasında yer alan L.N. Qumilyov adına Avrasiya Milli Universitetinin doktorantlarına elmi məsləhətçi təyin olunub.

Sumqayit.tv xəbər verir ki, əməkdaşlıq çərçivəsində universitetin 2-ci kurs doktorantları Mukuşev Tolegen və Mukuşeva Aliya 2026–2027-ci tədris ilinin oktyabr-noyabr aylarında SDU-da "Dövlət auditi" proqramı üzrə elmi-tədqiqat təcrübəsi keçəcəklər.

Doktorantlar bu müddət ərzində Aygün Əliyevanın elmi rəhbərliyi və məsləhətçiliyi ilə tədqiqat fəaliyyətlərini davam etdirəcəklər.

Qeyd edək ki, təşəbbüs Sumqayıt Dövlət Universiteti ilə L.N. Qumilyov adına Avrasiya Milli Universiteti arasında imzalanmış əməkdaşlıq müqaviləsi əsasında həyata keçirilir.

Layihənin əsas məqsədi doktorantların elmi bacarıqlarının inkişaf etdirilməsi, peşəkar kadr hazırlığının keyfiyyətinin artırılması, həmçinin iki universitet arasında elmi əməkdaşlıq və akademik mobilliyin genişləndirilməsidir.

25-07-2026, 18:06 167