Sumqayıtın bir neçə təhsil müəssisəsi 11-ci sinif şagirdlərinin buraxılış imtahanında ingilis dili fənni üzrə ən yüksək nəticə göstərən məktəblər sırasında yer alıb.
Sumqayit.tv xəbər verir ki, bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrini əks etdirən "Abituriyent" jurnalının 12-ci nömrəsində məlumat verilib.
Orta bal göstəricisinə görə Sumqayıt şəhəri Təbiət Elmləri Təmayüllü Gimnaziyası ölkə üzrə birinci olub. Məktəbin 62 məzununun iştirak etdiyi imtahanda orta nəticə 94,57 faiz təşkil edib.
Reytinqdə Sumqayıt şəhəri Texniki və Təbiət Elmləri Liseyi də yüksək nəticə göstərib. Bu təhsil ocağında imtahanda iştirak edən 40 şagirdin orta balı 87,98 faiz olub.
Siyahıda yer alan digər Sumqayıt məktəbi isə "İstedad" liseyidir. Burada 61 şagirdin iştirak etdiyi imtahanda orta göstərici 83,87 faiz təşkil edib.
Qeyd edək ki, Sumqayıt şəhəri Təbiət Elmləri Təmayüllü Gimnaziyası Azərbaycan dili fənni üzrə buraxılış imtahanlarının nəticələrinə görə də ölkə üzrə ilk sırada qərarlaşıb.//AzEdu.az
30-07-2026, 16:57
59
