Ümumi (9 illik) orta təhsil bazasında kolleclərə qəbul olmaq istəyən abituriyentlər üçün ixtisas seçimi mərhələsinə start verilib.

Sumqayit.tv xəbər verir ki, Dövlət İmtahan Mərkəzinin məlumatına əsasən, ixtisas seçimi 3–9 avqust tarixlərində (saat 23:59-dək) internet üzərindən aparılacaq.

İxtisas seçiminə qəbul imtahanında ümumi balı 50-dən, Azərbaycan və ya rus dili fənni üzrə balı 20-dən, riyaziyyat fənni üzrə isə 10-dan az olmayan abituriyentlər buraxılır.

Hər bir abituriyent dövlət sifarişli və ödənişli əsaslarla olmaqla maksimum 12 ixtisas kodu seçə bilər.

Qeyd edək ki, bu il kolleclərə qəbul üçün 6210 plan yeri ayrılıb. Müsabiqə şərtini ödəyən 24 545 abituriyent ixtisas seçimində iştirak hüququ qazanıb.

Abituriyentlərə ixtisas seçimi zamanı ödənişsiz məsləhət xidməti göstərən mərkəzlərdən biri də Sumqayıt Dövlət Universitetində fəaliyyət göstərir. 

3-08-2026, 11:22 62