Bu gün Uşaqların Beynəlxalq Müdafiəsi Günüdür.
Dünyanın əksər ölkələrində 1 iyul tarixi bayram kimi qeyd etsələr də,  bəzi bölgələr var ki, günahsız körpələrimiz müharibələrin qurbanı olur, analar körpələrini, körpələr uşaqlıq illərini və bu illərdəki uşaqlıq sehrini, məsum təbəssümlərini itirirlər….
Dünyadakı ən qiymətli şey isə məhz uşaq təbəssümüdür. Və bu təbəssümü dadmaq hər bir uşağın təbii haqqıdır. Dünyanın çalxalandığı bir vaxtda hansı dövlət öz körpə vətəndaşlarını sevindirə bilirsə xoşbəxtdir. 
1950- ci il iyunun 1-də BMT Baş Assambleyası tərəfindən  qərara alınmış bu gün azad, müstəqil Azərbaycanın hər bir guşəsində qeyd edilir. Ölkəmizdə uşaqların müdafiə olunması, onların xoşbəxt gələcəkləri istiqamətində çoxsaylı işlər görülüb və bu yöndə layihələr, tədbirlər həyata keçirilir. Çünki, uşaqlar gələcəyə açılan sabahların ən böyük ümididir. 
Qərbi Azərbaycan İcmasının Sumqayıt nümayəndəliyi olaraq biz də 1 iyunu uşaqlara həsr etdik və idarəetmə onlara həvalə edildi. Kiçik qəlblərində böyük ideyalar yaşadan uşaqlarla biz də uşaqlaşdıq…
6 yaşlı İslam İsmayılov dünya uşaqlarını təbrik edərək, yenilməz, üçrəngli Azərbaycan Bayrağını Zəngəzurda ən yüksək zirvəyə sancacağına söz verdi.
Hər bir uşaq bir rəssamdır…gördüklərin, hiss etdiklərin duyğularına həkk edən bir rəssam…
Qoy uşaqlarımızın təbəssümlərinin məsumluğu duyğularına həkk etdikləri həyat cizgiləri, qəlblərinin saflığı əbədi yaşasın!!
Gününüz mübarək Azərbaycanın xoşbəxt gələcəyinin banisi olan körpə fidanlarımız.

Müəllif: Mehriban Nəcəf